Една од најмоќните шиитски вооружени групи во Ирак, „Асаиб ал-Хук“ во целост ја поддржува руската интервенција и воздушни напади против групата „Исламска држава“ на Блискиот Исток, соопшти денеска групата.
Групата, исто така, ги обвини САД дека се премногу неодлучни во својата кампања против џихадистите во Ирак и Сирија.
Портпаролот на „Асаиб ал-Хук“, Наим ал-Убуди нагласи дека воздушните напади што Русија ги започна минатата недела против цели на ИС во Сирија веќе дале резултати.
– Знаеме дека САД во изминатите година и половина не беа сериозни во однос на своите намери да стават крај на групата ИД, истакна ал-Убуди.