НАТО денеска почнува најголема воена вежба од 2002 година во која 36.000 војници ќе бидат ангажирани на маневри за подготвеност во Италија, Шпанија и Португалија.
Воената вежба – Trident juncture – се одржува до 6 ноември и во неа ќе учествуваат војници од 30 држави, соопшти Командата на здружените сили на НАТО.
Вежбата ќе укаже на зголемено ниво на амбиции на НАТО во заедничко модерно војување и ќе покаже способна напредна Алијанса со соодветни способности и капацитети да се избори со актуелните и идни безбедносни предизвици, соопшти Командата.
НАТО истакнува дека воената вежба не е насочена против ниедна држава.