Без струја утре од 8:30 до 15:30 часот ќе останат корисниците од селата Миладиновци, Дељадровци, Бујковци, Бучинци и Мршевци во општина Илинден, како и корисниците од село Грушино во општина Арачиново.
Како што соопшти Регионалниот центар за управување со кризи на Град Скопје, поради технички зафати во електро дистрибутивната мрежа без електрична енергија од 11 до 13 часот ќе останат дел од корисниците од улицата „Богомилски Поход“ подулица 2, како и корисниците во околината, од 8:30 до 12:30 часот корисниците на улицата „Наум Наумовски Борче“, делот од раскрсницата со улицата „Аминта III“ и од 9:30 до 11:30 часот корисниците од Волково, објектитие околу „Слик“, како и дел од улицата 102 во општина Ѓорче Петров.