Општина Центар изврши обележување на хоризонталната сигнализација на делот од улицата „Васил Ѓоргов“ кој гравитира кон општината.
„Граѓаните ова го побараа од градоначалникот Андреј Жерновски и од надлежните служби.
Обележувањето е извршено и покрај недоразбирањето со Град Скопје, во чија надлежност е бележењето на улицата „Васил Ѓоргов“, но и на другите улици.
Во наредниот период општина Центар ќе ги обележи сите улици на територијата на општината, кои се во нејзина надлежност. Ова е со цел за поголема безбедност на граѓаните и сообраќајот“, се вели во соопштението на Општина Центар.