Минатата година во САД против 70 лица се поднесени обвиненија поради обид за поддршка или приклучување кон редовите на џихадистичката група Исламска држава (ИД), изјави американскиот заменик јавен обвинител Џон Карлин.
Според податоците на властите, од 2014 година досега 250 Американци заминале на Блискиот исток, со намера да се приклучат кон исламистите, меѓу кои се наоѓаат и овие 70 против кои е покренато обвинение.
Повеќето од приврзаниците на ИД во САД се на возраст под 25 години.