Ве известуваме дека СДСМ во советот на општина Кичево ќе настапува самостојно, како посебна советничка група. Работата со советниците на ВМРО-ДПМНЕ е невозможна. СДСМ не може да функционира со советници кои не се оградуваат од политиките на Никола Груевски, за коишто целата јавност слушна дека имаат криминални, тесно партиски цели, вели Слободан Аврамоски, претседател на ОО СДСМ Кичево.
Се додека советниците на ВМРО-ДПМНЕ даваат поддршка на ваквите политики на Груевски, тие работат спротивно на интересите на граѓаните.
ВМРО-ДПМНЕ во Кичево е во неформална коалиција со ДУИ и работат исклучиво на исполнување партиски и бизнис интереси.
Сето ова е неприфатливо за СДСМ.
Советничката група на СДСМ се фокусира исклучиво на проблемите со коишто се соочуваат жителите на Кичево и кичевско и во наредниот период интензивно ќе работиме на решенија за справување со нив.