Кипарскиот претседател Никос Анастасиадис и лидерот на кипарските Турци Мустафа Акинчи се сретнаа денеска со претставниците на христијанската и муслиманската заедница на островот, што е прва средба од таков вид.
Според експертите разговорите даваат голема надеж, дека религијата може подобро да придонесе за мир, иако религијата никогаш не била во основата на кипарскиот конфликт, религијата и правото на слободна вероисповед се негова жртва.
Островот Кипар е поделен на два дела по интервенција на турската армија во 1974 година. Во северниот дел на островот е прогласена Турска Република Северен Кипар, што е призната само од Турција.