„Министерство за транспорт и врски и официјално го потврди она што го соопшти СДСМ, дека за блокадата на автопатиштата во Македонија, на обиколницата околу Скопје и на делницата Велес-Градско, државата ќе добие само 78 илјади евра, односно 4,8 милиони денари.
Срамната потврда од Министерството за транспорт и врски доаѓа преку соопштение во коешто воопшто не се споменуваат последиците врз граѓаните на Скопје: сообраќајниот хаос, уништувањето на инфраструктурата, загадувањето…
Ниту Министерството за транаспорт и врски, ниту пак ВМРО-ДПМНЕ денеска не споменаа како тоа ќе се направи реконструкција на пат со 78 илјади евра? Средства недоволни ниту за 1 километар нов пат.
Надоместокот за патарини од околу 200 илјади евра, или 12,7 милиони евра којшто го споменува Министерството е сума којашто и без блокадата државата ќе ја инкасираше. Оттука, навредливо за граѓаните е оваа сума да ја споменува Министерството за транспорт и врски.
Нема земја во светот во којашто е дозволено да се затвори автопат на овој начин, дури 37 дена. Тоа и Министерството за транспорт и врски и ВМРО-ДПМНЕ очиглено свесно го премолчуваат.
Снимањето на филм во Македонија не е ниту прв ниту последен пат. Во Македонија и порано се снимале филмови, од врвна, „А“ филмска продукција, па не се блокирале автопатишта и поради тоа никогаш не трпеле граѓаните.
За жал ВМРО-ДПМНЕ расподаде се што можеше да се распродаде и тоа на штета на граѓаните“, се вели во соопштението на СДСМ.