Низ скопските улици можат да се забележат голем број познати македонски личности од различни сфери, кои во рацете држат жолти табли и се фотографираат.
Станува збор за нова кампања на Републичкиот совет за безбедност на сообраќајот на патиштата, од каде не откриваат за што станува збор.
– Точно е дека за потребите на наша кампања ангажирани се познати личности од повеќе сфери, но засега нема да откриеме која е причината. За неколку дена ќе бидете информирани во која кампања беа вклучени и кои се нивните пораки, велат од РСБСП.
Меѓу познатите личности кои ги забележавме се актерот Дејан Лилиќ, ракометарот Столе Стоилов, кошаркарот Влатко Илиевски, фудбалерот Дарко Глишиќ, пејачката Симона Поповска и уште многу други познати личности.