Рубинчо Заревски, екс директорот на Фондот за здравство осуден е на две години условно за злоупотреба на службената положба.
Заревски е виновен поради тоа што додека управувал со фондот, направил штетен договор на тендер во врска со набавките за медицински репро материјали.
Судскиот процес против Заревски траеше од 2008 година.
Наместо да го избере најповолниот договор, Заревски склучил договор со најскапиот понудувач – фирмата “Делфино Медикал”, со што го оштетил Фондот за 1,6 милиони денари.
Заревски тогаш изјави дека причина за обвинение нема. Според него, имало таков договор со Делфино Медикал, но истиот не стапил на сила, бидејќи е поништен од неговиот наследник на местото директор на ФЗО, Никола Пановски, со што всушност државата не е оштетена.