Граѓаните се жалеа на бучава од повеќе кафе-барови кои се наоѓаат на територија на општина Центар. Општината се грижи за мирот и спокојот на центарци, и затоа надлежната инспекција на општината излезе на терен и изврши контрола во тие угостителски објекти.
добиените резултати од мерењата на овластената компанија, во 50% од контролираните е констатирано надминување на максималното дозволено ниво на бучава од 45 децибели. На следните кафе барови: “Стоби“, “Кубански Бар“, “Џуси Бар“ и кафе барот “Децата од нашата улица“, општина Центар ќе им издаде платен налог со казни од 500 евра за правното лице и 300 евра за одговорното лице. Доколку казната не се плати, ќе се поднесат прекршочни пријави.
По извршениот редовен инспекциски надзор на комуналната и градежна инспекција на општина Центар, во периодот јуни-јули 2015-та година, кај правни лица се утврдени неправилности и недостатоци при поставување на урбаната опрема. Тераси со и без настрешница и покриени или непокриени шанкови, согласно одредбите за поставување урбана опрема. Секторот за инспекција ќе преземе мерки за отстранување на констатираните неправилности и недостатоци. Контролите ќе продолжат и во наредниот период.