Вкупната миграција во Велика Британија за 12 месеци достигна историски рекорд, соопшти британската Национална статистичка служба.
Во периодот од март 2014 до март 2015 година во Велика Британија легално влегле 636.000 мигранти, а земјата ја напуштиле 307.000 лица. Разликата од 329.000 луѓе е миграциското салдо.
Претходниот историски рекорд на миграциско салдо од 320.000 луѓе е регистриран во периодот од јуни 2004 до јуни 2005 година.
Лоби групата Институт на директори наведува дека мора да се изнајдат нови мерки за спречување на имиграцискиот бран од Велика Британија, бидејќи поради тоа трпи бизнисот.