Поголема ажурност и толерантност, прво опомена, потоа казна, однесување кое одговара на вработен во јавно претпријатие на општина Центар, ова го договорија градоначалникот на општина Центар, Андреј Жерновски и директорот на ЈП „Паркинзи на општина Центар“, Саша Богдановиќ.
До средбата дојде по забелешки од граѓаните кои на Жерновски му биле пренесени на редовните средби со нив.
„Паркинзи на општина Центар“, посочи Богдановиќ, работи и ќе работи исклучиво во служба и за интересите на граѓаните. Најави дека во наредниот период ќе се спроведе истражување за степенот на користење и задоволство од услугите кои што ги нуди претпријатието, ќе се зголеми бројот на средби со граѓаните за да се слушнат нивните мислења и предлози и ќе се разгледаат нови начини за уредување на резидентните паркиралишта.
ЈП „ПОЦ“, во интерес на жителите, ќе направи и дополнителни напори за воведување нови поволности за корисниците на јавните паркиралишта, како и зголемување на бројот на паркинг места.