Во Клиничкиот центар во Скопје синоќа е донесен Кумановец кој имал три убодни рани од нож.
Станува збор за 35- годишниот Е.П. од Куманово кој се здобил со повредите синоќа околу 19 часот. Е.П. на улицата Октомвриска Револуција во Куманово, седел и разговарал со својата 29-годишна девојка.
Одеднаш кон парот се приближил поранешен љубовник на девојката, 33-годишниот М.М. кој започнал расправија,а потоа три пати го прободел Кумановецот со нож.
Е.П. бил пренесен во Клиничкиот центар во Скопје каде му е констатирана убодна рана во пределот на градите и кај левата подпазува.
Полицијата трага по сторителот кој веднаш побегнал од местото на настанот.