Заменик претседателот на СДСМ, Радмила Шекеринска реагира по објавените информации дека е на “луксузен одмор“ во Грција и во кои информации обичен глисер беше претставен како „луксузна јахта“.
Институциите коишто 9 години ги раководи ВМРО-ДПМНЕ сто пати го проверија целиот мој имот. Не најдоа ништо нејпријавено или незаконско затоа што нема.
Што се однесува до летувањето на моето семејство еве предлог до власта: ВЕДНАШ да организираат дебата на која секој ќе покаже документи каде го поминал одморот, колку тоа чинело и од каде се покриени трошоците. Ајде, јас немам што да кријам.
Како знак на добра волја, нема да поставувам прашање за цената на очилата коишто станаа болна точка на власта, па поради тоа постојано лажат и навредуваат, напиша Шеќеринска на Фејбук.
Ловот на опозиционери на летен одмор почна веднаш по откритието дека премиерот летува во Тел Авив со семејството, но уште повеќе по откритието за скапите очила „Мајбах“ со кои беше фотографиран од некој посетител на плажата. Провладините медиуми се обидуваат да направат паралела со летувањето на премиерот, кое е сосема легално и нормално, но јавноста мора да знае колку пари потрошил и да ги има сите информации со оглед дека е на државна функција. И покрај упатените прашања, Владата се уште нема одговор колку време, каде бил сместен и колку платил премиерот за одморот во Израел.
За Шеќеринска и сите што не извршуваат функции, воопшто не е спорно каде ќе летуваат и колку ќе потрошат доколку немаат допир со државниот буџет.