Властите во канадскиот град Рестон во намера да ги привлечат семејствата и бизнисот, продаваат плацеви за само 10 долари.
Продажбата на земјиштето во провинцијата Манитоб, во близина на Северна Дакота во САД, започна во 2010 година. На 11 од 14 плацеви никнаа нови куќи, што е еден од условите на продажбата.
Локалната самоуправа одлучи да ја повтори истата понуда. Во малиот град со 550 жители, по иста цена се нудат уште десет парцели.
„Интерес пријавија Канаѓани и Американци“, рече Танис Челмерс, службеничка во областа Пипестон, под чија управа спаѓа Рестон.
Приходите на жителите на оваа област која лежи на централната градска железница Пацифик рејвеј, зависат од нафтената индустрија и од земјоделството.
Понудата функционира на следниов начин-заинтересираните за земјиштето плаќаат залог од илјада долари.
Од тој момент тече рокот од 90 дена да градат на парцелите, а за една година објектот мора да биде изграден. Во моментот кога инспекцијата ќе утврди дека куќата е изградена, Рестон на новиот жител му враќа 990 долари.