Градоначалникот на општина Центар, Андреј Жерновски, со дел од соработниците и советниците, имаше средба со жителите од Ново Маало.
„Тие го информираа градоначалникот дека се посетувани од можен инвеститор, кој, како што велат, најавил дека ќе предложи измени во ДУП-от Ново Маало, со тоа што на просторот, како што било ветувано, ќе се гради и ќе се решат проблемите на граѓаните.
Граѓаните, кои се жалат дека живеат во лоши услови, сакаат подобрување на животот, но се претпазливи да не бидат изиграни.
Градоначалникот Жерновски им соопшти на жителите на Ново Маало дека ќе го испита случајот, ќе направи се за доброто на граѓаните, во согласност со законските прописи“, се вели во соопштението на Општина Центар.