37-годишниот Тони А. од виничкото село Трсино се самозапалил поради семејни несогласувања, информираат од полицијата. Тој се полил со бензин пред очите на неговото малолетно дете, а откако се запалил почна да вика по помош. Му притрчал неговиот 58 годишен татко кој во обидот да го изгаси огнот се здобил со изгореници по рацете.
Двајцата биле веднаш пренесени во болницата во Виница, каде што 58 годишниот жител на Трсино бил задржан на лекување со констатирани изгореници на дланките. Неговиот син веднаш бил упатен во медицинскиот центар во Кочани, а од таму препратен во градската болница во Скопје, каде што му се констатирани изгореници од 2 и од 3 степен по целото тело и неговиот живот е во опасност.
Инцидентот се случил вчера околу 17:00 часот кога во дворот на семејната куќа овој жител на Трсино се полил со бензин и се самозапалил.
