Претседателот на српската асоцијација на туристички агенции (ЈУТА) Александар Сеничиќ изјави дека и покрај жестоките воени судири на југоистокот од Турција, туристите од регионот не ги откажуваат летувањата во оваа земја.
– Досега нема откажани аранжмани за одмор во Турција, а и натаму е голем интересот во туристичките агенции за турските летувалишта, рече Сеничиќ за српските медиуми.
Во Турција во последните неколку недели е забележено зголемување на бројот на судири меѓу безбедносните сили и курдските бунтовници, а по обновувањето на борбите убиени се најмалку 48 лица.
Туристите од Балканот и оваа сезона најмногу летуваат во Грција, додека Турција е втората најбарана летна дестинација.