Бројот на претплатници на интернет изданието на весникот „Њујорк Тајмс“ минатата недела се зголеми за 33.000, со што вкупниот број на негови он-лајн читатели надмина еден милион.
– „Тајмс“ денес има големо влијание, како никогаш досега во историјата, изјави претставникот на компанијата Артур Салцбергер.
Како што јави ДПА, во вториот квартал од годинава „Њујорк Тајмс“ остварил нето заработка од 16,4 милиони долари, што претставува зголемување за 78,5 процнети во однос на истиот период лани.
Вкупните приходи на весникот во посочениот квартал се зголемиле за 0,9 процнети на 211,7 милиони долари.