Темите поврзани со поранешниот министер за финансии Јанис Варуфакис се очекува да доминираат на денешната седница на грчкиот Парламент на која премиерот Алексис Ципрас ќе одговара на пратенички прашања, јави дописникот на МИА од Атина.
Лидерот на ПАСОК, Фофи Генимата поднесе пратеничко прашање во кое побара Ципрас да заземе став во врска со Варуфакис и „неодамнешните откритија дека тој работел на план Б“, кој вклучувал воведување на драхмата.
Се очекува Ципрас да одговори и на прашањето кое неодмна го поднесе потпретседателот на Собранието, Никитас Какламанис за мерките против илегалната имиграција.