Четири молотови коктели утринава околу 5 часот биле фрлени кон студентскиот дом „Гоце Делчев“ во Скопје.
Според првичните полициски информации, непознати лица дошле со автомобил и фрлиле три молотови коктели во дворот на студентскиот дом и еден на тераса од соба.
Два од фрлените молотови коктели во дворот се запалиле, но по кратко време биле изгаснати од студентите.
Полицијата извршила увид на местото и работи на расчистување на случајот.
