Тројца косовски градежни работници го загубиле животот а уште тројца се се повредени во Астана, Казахстан. Работниците биле ангажирани од компанијата „Мабетекс“(„Mabetex”), сопственост на Беџет Пацоли, еден од најбогатите Албанци во светот и лидер на партијата Алијанса за ново Косово.
Како што потврдија од компанијата животот го загубиле Блерим Кадриу(1981), Беким Дурмиши(1983) и Луан Бакиа(1976),додека повредени се Хајруш Хоти(1969) Исуф Беколи(1956) и Авни Максути(1979).
Несреќата се случила во моментот на демонтирање на 20-метарско скеле на еден градежен објкет, при што тоа се урнало и тие паднале од голема висина.
Во соопштението од компанијата тие искажуваат длабоко сочуство до семејствата на загинатите работници и информираат дека се преземени сите потребни чекори за трансфер на нивните тела во родните места.
Од фримата, чие седиште е во Лугано, Швајцарија, наведувааљт дека ова е најголема трагедија што се случила во текот на постоењето на истата.