Во Битола вечер концерт ќе одржи најстариот симфониски оркестар од Холандија, познатиот „Студентски оркестар“ од Утрехт, основан во 1823 година.
Концертот е во рамки на „БитФест“ и претставува ретка можност да се слуша оркестарот кој во 1998 година беше регистриран и во Гинисовата книга на рекорди, информираат од општина Битола кои заедно со амбасадата на Кралството Холандија се заеднички организатори на вечерашниот културен настан во овој град.
– Во студентскиот симфониски оркестар настапуваат 90 членови кои свират во познатите музички сали низ цела Холандија, меѓу кои и салата на Кралскиот Концертгебау во Амстердам. Младите музичари секоја година одржуваат и по еден концерт во странство, а оваа година за своја дестинација ја одбраа Македонија. Во последниве неколку години настапуваа во Литванија, Полска, Германија, Мароко и во Унгарија со продукцијата на “Das Rheingold” од Вагнер, на крстарење со брод по реката Рајна, а по повод 190 годишнината од формирањето на оркестарот, информираат од прес центарот на „БитФест“.
Студентскиот симфониски оркестар од Утрехт, вечерашниот концерт ќе го одржи во пациото на битолскиот Музеј.