Претседателот на СДСМ, Зоран Заев денеска се сретна со амбасадорот на Кралството Норвешка задолжен за Република Македонија, Нилс Рагнар Камсваг.
Претседателот на СДСМ, Зоран Заев му се заблагодари на амбасадорот за взаемната соработка и неговите лични заложби за помош во решавање на длабоката политичка криза во Македонија. Исто така голема благодарност изрази и за големата поддршка којашто Норвешка, како голем пријател на нашата земја, постојано ја дава за враќање на демократските процеси и европските вредности во државата.
Преговорите би требало да резултираат со договарање на Влада којашто нема да ја предводи Никола Груевски и којашто ќе има за цел да ги организира п
редвремените парламентарни избори, коишто треба да се одржат кон крајот на април, следната година за да може договорот од 2-ри јуни да биде во целост имплементиран. Потребно е да се обезбеди одговорност за спроведување на договореното од сите четири преговарачки страни во преговорите, рече претседателот на СДСМ, Зоран Заев.
Претседателот на СДСМ, Заев истакна дека неопходно е државата да се врати во нормален колосек преку враќање на независноста и демократскиот капацитет на државните институции, медиумите и судството.
Амбасадорот ги поздрави напорите коишто СДСМ ги вложува за постигнување на договор и посочи дека земјата се наоѓа во исклучително тешка политичка криза којашто е пожелно во најбрз можен временски период да биде разрешена.