Хрватската полиција го уапси синоќа во Загреб монахот Шиме Нимац, кој е осомничен дека незаконски присвоил 1,7 милиони долари, по што тој е префрлен во Сплит, каде што ќе продолжи истрагата.
Монахот Нимац се најде среде скандалот кога во јавноста се појавија информации дека побегнал со над милион евра од продаденото земјиште, и тоа наводно, придружуван од жена.
Во одбрана на Нимац застанаа жители на Башка Вода. Тој изјави дека парите сакал да ги искористи за обнова на црквата.
Триесет и четиригодишниот монах во април продал 43.000 метри квадратни мерки во Башка вода, во реонот на Сплит. Тој ги повлекол парите од сметките на црквата, без да биде надлежен за тоа, и потоа избегал.
Сплитската архиепископија ангажирала адвокатски тим, за да се обиде да го врати земјиштето, продадено од Нимац.