Американскиот Стејт департмент соопшти дека САД ја обновуваат помошта за Бахреин, која беше стопирана по задушувањето на протестите во арапската земја во 2011 година.
– Сметаме дека состојбата со човековите права во Бахреин се уште не е на потребното ниво, но Владата постигна забележителен напредок во таа област, вклучувајќи и ослободување на политички затвореници, изјави портпаролот на Стејт департментот, Џон Кирби.
Тој истакна дека Бахреин е важен сојузник на САД во борбата против тероризмот.
Арапската земја учествува во меѓународната коалиција, која извршува воздушни напади врз групацијата Исламска држава во Сирија и во неа е базираната Петтата американска флота.