Загрижувачки се сознанијата на УНИЦЕФ за животот на децата во Грција.
Над 430 илјади деца во Грција живеат под прагот на сиромаштијата, покажуваат податоците на УНИЦЕФ,кои ги објави електронското издание на грчкиот весник „Етнос“.
Според УНИЦЕФ, 23 проценти од децата во земјата се соочуваат со недостиг на основни добра. Просекот во Европа е околу 20,5 проценти, со што се забележува зголемување на сиромаштијата на децата во Европската унија, а особено во најголемите економии во еврозоната Франција и Германија.
Весникот истакнува дека зголемувањето на невработеноста и намалувањето на животниот стандард во изминатите две години сериозно ја влошува ситуацијата во земјата.Грција има најголем процент во еврозоната на сиромашни работоспособни граѓани.