Австриски суд денеска изрече казни до три години затвор за 10 лица, кои се обиделе да се поврзат со радикални исламисти во Сирија.
Турчин, обвинет за организирање на транспорт за група Чеченци, е осуден на три години затвор, додека останатите добија до 34 месеци. Еден од обвинетите, кој за време на притворот во август се уште не бил полнолетен, доби едногодишна условна казна.
Пресудите може да бидат обжалени. Некои од обвинетите изјавија дека само сакале да одат на одмор или дека сакале да живеат во исламска држава.
Обвинителството бараше пресуди од една до десет години затвор за учество во терористичка организација.