Градоначалникот на општина Центар, Андреј Жерновски денеска повторно писмено го извести министерот за внатрешни работи, дека МВР не овозможува асистенција за отстранување на дивата градба во нас. Крњево, на улица 172.
Решението за остранување на оваа дива градба е донесено минатата година и повеќе пати е барана асистенција од МВР, но досега одговор од МВР нема.
Министерството за внатрешни работи не одговори ни на вчерашниот телефонски повик од градоначалникот Андреј Жерновски и барањето негова ургенција да се постапи по решението.
Градоначалникот Жерновски посочува дека врз основа на член 173, став 4 од Законот за градење, изјавената жалба на инвеститорот против првостепеното решение со кое се наредува отстранување на градбата која се гради без одобрение за градење, не го одлага извршувањето на решението.
Градоначалникот на општина Центар, како што неколкупати изјави, нема да толерира дивоградби на територијата на општината и прашува дали МВР во овој случај ја штити дивоградбата во Крњево.