На патниот правец А2 Кичево – Охрид, кај месноста Пресека – Врбјане утре сообраќајот ќе биде во прекин од 15:00 до 16:00 часот, поради изведување градежни работи (минирање).
Од Авто-мото сојузот на Македонија информираат дека сообраќајот на сите државни патишта се одвива по суви коловози.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата. Оваа информација, како што посочуваат од АМСМ, се однесува само за македонската страна на премините.