Општина Центар ја уредува жардињерата на улица Македонија, до спомен куќата на Мајка Тереза.
На површина од 490 m2 веќе е поставен бусен, а ќе бидат засадени 165 мали зимзелени растенија и 48 мини треви.
Меѓу растенијата ќе има лаванда, буксус, азалеи и други украсни растенија кои го менуваат својот изглед во зависност од годишното време.
Изваден е стариот тревник кој беше комплетно исушен, исчистен е коровот и сметот.Поставен е систем за полевање.
Овој многу важен дел од централното градско подрачје ќе добие нов лик.
Жардињерата е донација од Грузиската фирма Сингулар.