Хрватската министерка за надворешни и европски работи Весна Пусиќ се залага Црна Гора да добие покана за членство во НАТО, соопшти ова МИнистерство.
Пусиќ, заедно со нејзините колеги од Бугарија и БиХ зазеле таков став на форумот за глобална безбедност одржан во Будва, јавува Хина.
– Многу е важно од овој собир да испратиме порака дека Црна Гора е апсолутно подготвена да добие покана до крајот на годината, а на следниот самит да стане членка на Алијансата, истакна Пусиќ.
– Како земја која во 2008 година доби покана за членство, а една година подоцна стана и членка, Хрватска смета дека е многу важно да се има стабилно соседство и поради тоа ја поддржуваме Црна Гора на нејзиниот пат, истакна министерката, додавајќи дека со членството во ЕУ и НАТО, Хрватска добила политичка и секаква друга зрелост, а на секојдневно ниво – безбедност.