Едно лице загина, а шест се повредени во сообраќајна несреќа што се случи ноќеска половина час по полноќ на ул.„Лазо Трповски“ во Скопје.
МВР информира дека во сообраќајката учествувале три возила – „Ауди“ управувано од С.А.(20), „Ровер“ управуван од Амир Б.(22) и „Сеат“ управуван од Б.Е.(42), сите од Скопје.
Со тешки телесни повреди се здобил Амир Б., кој со возило на брза помош е префрлен во Ургентниот центар во Скопје каде што им подлегнал на повредите.
Во сообраќајката се повредени и С.А и Б.Е, како и сопатниците Б.А,(24), Е.И.(21), А.Е.(19) и А.Е.(18).
