Девојка со својот автомобил влета во фризерница во Скопски Карпош. Несреќата се случила денеска, нешто пред 14 часот, на улицата Гиго Михајловски, зад Симпо во Карпош 1, пренесе Република.
Младата девојка што управуваше со автомобилот вели дека претходно автомобил удрил во задниот дел од нејзиното возило. Поради нејзиното неискуство и паниката таа свртела со воланот и завршила во локалната фризерница. За среќа, нема повредени во несреќата. Очевидците велат дека автомобилот што удрил во „фордот“ што завршил во фризерница се движел бавно. Ударот бил слаб, но паниката и неискуството си го направиле своето.