Повеќелицасиноќа околу 22:30 часот на бул.„Александар Македонски“ пред хотелот „Континентал“ во Скопје физички ги нападнале матурантот А.У.(19) и М.А.(22). Како што соопшти полицијата, причина за физичкиот напад е поради истакнување на македонско знаме во холот на хотелот.
М.А. бил удрен со тупаница од што се здобил со црвенило и оток, додека А.У. бил удрен со шише во пределот на главата и се здобил со расекотина на челото. Потоа, околу 02:15 часот дошол Т.А.(41) – родител на матурантот за да ги земе децата по завршување на прославата. Според пријавата, додека се движеле со патничко возило „Фиат пунто“ на бул.„Никола Карев“ биле следени од патничко возило „Мерцедес“ со скопски регистарски ознаки. Во близина на касарната „Илинден“ на патничко возило „Фиат пунто“ му бил попречен патот од возило “Ауди” со скопски регистарски ознаки, од кое излегле неколку лица и со палки и со закана со пиштол, почнале да удираат по возилото. А.У., Д.А. и Д.Н. кои се превезувале во возилото „Фиат пунто“ се здобиле со телесни повреди (расекотини од стакло). Во Полициската станица Кисела Вода, во присуство на родител, приведено е едно лице кое е задржано за понатамошна постапка.
СВР-Скопје превзема мерки за расчистување на настанот и пронаоѓање на сите сторители.