Лидерите на двете кипарски заедници денеска ќе ги обноват мировните преговори во потрага по решение за обединување на овој средоземноморски остров.
Кипарскиот претседател Никос Анастасиадис и новоизбраниот кипарски турски лидер Мустафа Аканџа на 11 мај се договорија на трилатерална средба со специјалниот пратеник на ОН Еспен Барт Аиде да ги обноват преговорите.
Победата на Аканџа на претседателските избори во април во Севернокипарска турска република, која е призната само од Турција, даде надеж за нов поттик во преговорачкиот процес, што беше замрзнат во октомври минатата година.
Кипар е поделен од 1974 година, кога Турција го окупира северниот дел од островот по државниот преврат, подготвен од кипарските грчки националисти, поддржани од Атина, што имаше за цел земјата да ја присоедини кон Грција. Во 1983 година беше прогласенаСевернокипарската турска република, која досега е призната единствено од Анкара.