Општина Центар го продолжува и оваа година проектот „Цел Центар на точак “, кој минатата година, велат од Општината, се покажал како успешен.
Во 2014-та, Општината субвенционирала средства за купување на 860 велосипеди.
„Акцијата започнува од денеска. По минатогодишниот голем интерес на центарци кои со субвенциите од Центар купија 860 нови велосипеди, годинава се одвоени повеќе средства во буџетот и ќе субвенционираме 1.111 нови велосипеди. Се надевам дека и годинава ќе има голем интерес. Жителите треба да донесат копија од лична карта со која потврдуваат дека се жители на општина Центар, фискална сметка и сметкопотврда за купен велосипед и трансакциска сметка“, рече градоначалникот Андреј Жерновски.
Општината како и минатата година ќе субвенционира до 3.000 денари за секој купен велосипед.
