До редакцијата на А1ON пристигна писмо од кумановецот Јусуф Сулејмани со поддршка до лидерот на СДСМ, Зоран Заев, кој вчера ги посети граѓаните во кумановската населба разрушена од престрлките во саботата.
„Без разлика на Вашата партиска определеност, со Вашата добрина и Вашите дела , допринесовте засекогаш да останете во историјата на Македонија и пошироко, сте и ќе останете незаборавени со тоа што не се памети некој во едно да ги сплотил сите нации на овие простори, во најтешката политичка и економска состојба каде што од ден на ден тоне оваа наша Македонија. Не сплотивте во едно сите добри луѓе Македонци, Албанци, Срби, Турци, Бошњаци, Роми, Власи и други националности, христијаните и муслиманите, како што никој досега не го сторил тоа“, стои во писмото на Сулејмани.