Во организација на Канцеларијата на Фондот за население на Обединетите нации (УНФПА) денеска ќе биде одбележан Меѓународниот ден на женското дете.
На настанот, што ќе се одржи во Домот на АРМ, ќе се обратат министерот за труд и социјална политика Спиро Ристовски и директорот на УНФПА, Дојна Болога.
Во рамки на одбележувањето ќе биде отворена изложба на фотографии на тема „Меѓународниот ден на женското дете“, а ќе бидат презентирани и три кратки документарни филмови.
Со резолуција на Генералното собрание на Обединетите нации за првпат годинава се одбележува овој ден. Темата на годинашното одбележување на Меѓународниот ден на женското дете се малолетничките бракови.