Претседателот на СДСМ Зоран Заев денеска се сретна со словенечкиот амбасадор во државава Бранко Раковец на која, меѓу другото, е разговарано за проектот на СДСМ „Вистината за Македонија“.
Според соопштението од СДСМ, Заев на средбата истакнал дека „објавувањето на доказите од проектот Вистината за Македонија јасно покажуваат како поединци од партијата на власт ги узурпирале институциите на државата“.
Проектот, според Заев, покажал злоупотреби на државни институции за политички цели, контрола на судството, обвинителството и медиумите.