Одбојкарките на Работнички и одбојкарите на Струмица се победници во одбојкарскиот Куп на Македонија, откако денеска во финалните дуели во струмичко Василево беа поуспешни од своите ривали.
Работнички во маратонски дуел кој траеше два и пол часа ја победи Јанта Волеј со 3-2, по сетови 25:22; 25:27; 25:23; 25:27 и 15:9.
За одбојкарките на Работнички ова е прв куп-трофеј во клупската историја.
Во машкото финале Струмица со 3-1 го совлада Сушево. Резултатот по сетови беше 25:22; 25:20; 23:25 и 27:25.
Една од овие две екипи ќе стане и шампион на Македонија. Моменталниот резултат во финалната плеј-оф серија е 2-0 во победи за Струмица, а се игра до три добиени.