Младите во Хрватска го напуштаат родителскиот дом со просечно навршени 32 години, со што земјата е рекордер во ЕУ според доцното осамостојување.
Хрватскиот весник „Вечерњи лист“ кој ги презентира податоците од Евростат, оценува дека овој податок би требало да ги загрижи општествено-политичките елити во земјата. Делумно причината за доцното осамостојување експертите ја гледаат во традиционалното воспитување, според кое се очекува децата да останат да живеат со родителите, но во поголем дел и поради лошата економска ситуација.
Освен Хрватска, најдоцна во родителскиот дом остануваат Словенците па Малтежаните, додека најбрзо се осамостојуваат Швеѓаните, кои родителското гнездо го напуштаат со во просек 19,6 години.