Секретарот на Советот за безбедност на Русија, Николај Патрушев изјави дека воена операција во Јемен може да предизвика сериозен судир помеѓу арапските држави и Иран .
-Се повеќе држави учествуваат во судирот, а меѓу нив се и Бахреин, Катар, Кувајт, Обединетите Арапски Емирати, Саудиска Арабија, Египет, Јордан, Мароко, Пакистан и Судан. Ситуацијата може да прерасне во голем судир помеѓу сунитите и шиитите, а потоа да ескалира во остар судир помеѓу арапските држави и Иран- рече тој за весникот „Известија“.
Според него Јемен има важна географска положба, бидејќи има пристап до Црвеното море и Аденскиот залив и практично ги контролира Баб ел Мандеб, моурезот преку кој на годишно ниво поминуваат и до 20.000 пловила.
-Желбата постоечкиот однос на силите во регионот да се смени во нечија корист, може да доведе до долгогодишна војна, истакнал Патрушев.
Секретарот на Советот за безбедност на Русија рекол и дека ескалација на судирите во Јемен може да има влијание на преговорите за иранската нуклеарна програма.
Е.Г.