Претседателот на Либерално-демократската партија Горан Милевски заедно со Ѓорѓи Аврамчев, претседател на Дипломатскиот совет на партијата, денеска се сретнаа со амбасадорот на Сојузна Република Германија во Република Македонија, Кристине Д. Алтхаузер.
Како што соопшти ЛДП, на средбата која е по повод стапувањето на Милевски на функцијата претседател на партијата, амбасадорката Алтхаузер беше информиран за ставовите на ЛДП во врска со актуелната политичка состојба во Македонија како и за можните излезни решенија од истата.
– Претседателот на ЛДП се заложи за интензивирање на соработката со Амбасадата на СР Германија, при тоа нагласувајќи дека ЛДП има одлична соработка со Партијата на слободните демократи од Германија, како и со германската фондација за слобода, Фридрих Науман, се наведува во соопштението.