„Не се од првата или втората група најсилни репрезентации, но се исклучително незгодни и заслужуваат респект, но ништо повеќе од тоа. Нашата опција е победа без разлика на нивните желби. Нека биде полн стадионот бидејќи фудбалот се игра за публика, а јас сакам да играм пред полни стадиони“, рече хрватскиот играч од средниот ред, Милан Бадељ на денешната прес конференција на хрватската репрезентација пред мечот со Македонија.
Хрватскиот селектор Игор Штимац вели дека е задоволен од тоа што Хрватска ќе го наполни стадионот во Скопје.
„Мило ми е што им ги полниме стадионите на гостите кога веќе не можеме нашите“ – изјави Штимац.
Призна дека најголема опасност гледа во Горан Пандев.
„Знам се за него. тоа е најдобриот нивни играч. Ќе видиме како ќе го чуваме, стриктно или со превземање во зависност од тоа кој ќе го започне натпреварот“ – рече Штимац.
Хрватска и гостува на Македонија на 12 октомври.