Таиб Шеферовиќ има деца во речиси сите држави од поранешна Југославија, а ја раскажува неговата животна приказна исполнета со 49 жени, 50 деца и 200 внуци, а тврди дека спиел со над 5000 жени.
„Настапував на многу телевизиски шоу програми, а после жените, најмногу ја сакам хармониката. Многу жени ги освоив со помош на севдалинки“, тврди Таиб. Русокосите никако не ми одговараат, затоа од нив бегам како „ѓаволот од крст“. Со црнките ми е полесно, некако се наивни, додава тој. Таиб вели дека неговите жени денеска се наоѓаат ширум републиките од поранешна Југославија, а неговите внуци му помагаат. Му праќаат пари од Швајцарија, Германија и од Франција. Неговото семејство е на сите континенти. Нема каде ги нема.
„Морам да признам дека хармониката доста ми помогна кај освојувањето на жените. Кога е голема забава, свадба свирачот секогаш е во центарот на вниманието. Добра хармоника, добар глас за песна и ете ти жена“, раскажува Таиб, кој никогаш, ниту еднаш не плаќал алиментација. Тој имал необична средба возејќи се со својот автомобил низ Босна и Херцеговина.
„Во местото Тарчин ме застана полицаец, ми вели дај ги документите. Ја давам возачката и сообраќајната, тој оди во автомобил и не излегува 10 минити. Не излегува половина час. Мислам дека има некој проблем. Му приоѓам на полициското возило и го прашувам што е проблемот, кога гледам полицаецот плаче. Отвора врата, ми ги дава документите и низ сокзи вели: Па ти си мој татко. Беше тоа мојот син Дино кој го добил со Мајта од Сараево. Не сум го видел 30 години. Плаче тој, а и мене некако ми дојде тажно, но не пуштив солза. Разменивме броеви на телефон и секој си замина да си ја брка својата работа“, раскажал Таиб.
На почетокот на годината раскажал и дека со живеел со три, четири жени одеднаш и дека секоја знаела за секоја. Во неговиот живот официјално имало 49 жени со кои се оженил, кои живееле со него. На хартија во општина се 11, но тој вели дека не се грижеле премногу за хартија. Тој уште на 25-годишна возраст сфатил дека жените се неговиот живот.
Со неговата хармоника поминал секаде – од Триглав до Гевгелија. И многу подалеку вели тој, одел до Русија, Македонија, Германија и на север. Желба му е да најде уште една жена која ќе биде 50-та по ред.