Француската полиција, која работи на местото каде што се урна авионот на германската компанија „Џерман вингс“ соопшти дека до сега се пронајдени помеѓу 400 и 600 делови од телата на 150-те загинати патници и членови на екипажот.
Патрик Турон полковник во француската жандармерија изјавил дека до сега не е пронајдено ниту едно потполно целосно тело и дека се земени примероци од ДНК од семејствата на жртвите заради полесна идентификација на настраданите.
Тој истакнал и дека накитот и другите лични предмети би можеле да помогнат во процесот на идентификација. За потсетување авионот на германската компанија се урна на 24-ти март во француските Алпи, додека сообраќаше од Барселона кон Дизелдорф.
Е.Г.