„Стоп за екстерното тестирање“ и „Не за полагање математика“ порачаа попладнево тетовските средношколци на маршот кој „Средношколски пленум“ го организира поради новиот начин на полагање државна матура.
На маршот поддршка му дадоа околу 200 ученици.
Тие првин се собраа на градскиот плоштад, а потоа продолжија да маршираат по улиците Тодор Циповски-Мерџан и Иво Лола Рибар, сè до Работничкиот универзитет, каде се сместени канцелариите на Министерствотото за образование, Бирото за развој на образование и на Просветниот инспекторат.
Средношколците изјавија дека очекувале поголема масовност на денешниот средношколски марш и дека имале притосоци да не излегуваат, претежно од директорите на училиштата.
За утре, средношколскиот пленум најавува средношколски марш во Скопје и во повеќе градови во Македонија.
Извор: Мета