Договорот за изработка на барокна ограда околу рефасадираната зграда на владата е потпишан.
Фирмата Бауер БГ ДОО Скопје го доби тендрерот за ограда вреден 43.087.604 денари или околу 700.000 евра. По новата фасада со антички столбови Владата ќе се огради и со стилизирана ограда која ќе го дополни амбиентот.
Освен барокната фасада во дворот се поставија и стилизирани канделабри. Некогашниот обејкт на „Це-Ка“ бил со идеја да не се оградува а архитектот на зградата Петар Муличковски не се согласи да се менува автентичниот изглед.
На тендерот за оградување на барокната зграда на владата се јавиле пет понудувачи а еден од клучните критериуми за добивање на набавката е најниска цена.
Највисоката добиена понуда е 54.605.092 денари додека нај ниската 36.514.919 денари. Заедно со новата стилизирана барокна ограда вкупната реконструкција на објектот на владата ја надминува сумата од 16 милиони евра. Автор на новиот изглед на владата е архитектот Жарко Чаушевски.